إمسك إيديه..بقلمى(صابر)

موضوع: إمسك إيديه..بقلمى(صابر) 08/01/11, 01:43 pm

إمسك إيديه..وخدنى ليك..
شدّنى..خبينى فيك..
إمسك إيديه بين إيديك..
ضمنى..طمّنى بيك..
معاك بتوه من حبى فيك..
معاك بدوب م الشوق إليك..
إمسك إيديه ح اموت عليك..
حتلاقى روحى بين إيديك..

خلينى بالحنيه احس..
بعيش وبشعر منك بس..
إمسك إيديه وطمنى..
لمسة إيديك بتكلمنى..
مش محتاجين..غير الحنين..
ولجسم واحد له روحين..
يبقى الوجود..مالوش وجود..
ولاحد سامع اى صوت..
ومافيش معانا غير سكوت..
ولمستك كل الوجود..
ورقتك ملهاش حدود..
وانت العبير.. وانت الورود..
وانت العهود..وانت الشهود..
تحضنى اعيش..وتسيبنى اموت..

إمسك إيديه بحس حنان..ملاك بيعطف على إنسان..
وبين إيديك بلاقى آمان..واشوف رضا بعد الحرمان..
وترتوى منك روحى.. ويشبع القلب العطشان..
بلمستك بنسى جروحى..والاقى جوه الجنه مكان..

إمسك إيديه وقربنى أتأمل فيك..
وضم فيا وشربنى من سحر عينيك..
خلينى جنبك ارمى ف حضنك كل آسايا..
واحس حبك وانسى العالم وانت معايا..
إمسك إيديه وخدنى ليك..
حتلاقى روحى بين إيديك

» قلب مين..بقلمى(صابر)
» ليه انا..بقلمى(صابر)
» من بره بس..بقلمى(صابر)
» انت آسف..بقلمى(صابر)
» لو كنت زيك..بقلمى(صابر)