كان وماضى..بقلمى (صابر)

موضوع: كان وماضى..بقلمى (صابر) 15/01/11, 11:18 am

اللى فات وراح وعدّى من حياتى..ماضى..
كل شىء كان وانتهى.. يبقى اسمه ماضى..
وحكاياته.. وذكرياته.. اللى ف غرامه..
تتنسى.. ولا يبقى منها غير آلامه..

كل غالى.. يبقى كان..
كل شىء لو ضاع وهان..
اللى بيروح ف الزمان..
يبقى ماضى..يبقى كان..
واللى يتشال من حياتى..
لمّا مش بيكون قصادى..
يبقى عادى..
كان وماضى..

كنت بسامح واغفر وانسى.. واظلم روحى وانت تعيش..
واضغط على قلبى وعلى روحى بس خساره ماحبتنيش..
ونويت المره دى ..
ابدء وحدى حياتى..
قلبى خلاص مش فاضى ..
يتحايل ويدادى..
واللى يبيع يتحمل..ويشوف مر عنادى..
واللى يتشال من حياتى..
يبقى عادى..
كان وماضى..

ماجانيش من حبك غير قسوه وهجر وبعد ونار ولهيب..
وحاجات بتجرّح مش حلوه وغدر ومر وقهر رهيب..
استحملت وخبيت ايوه وقولت لنفسى قدر ونصيب..
بس ماعدش دموع ولا قوه تتحمل ولا عدش حبيب..
اللى يهد حياتى..ماضى يروح ف الماضى..
قلبى خلاص مش فاضى..يتحايل ويراضى..
ونويت المره دى..انساك وانسى الماضى..
واللى يتشال من حياتى..
يبقى عادى..
كان وماضى..
وانت ماضى..
سطر واتشال من حياتى

» قلب مين..بقلمى(صابر)
» ليه انا..بقلمى(صابر)
» من بره بس..بقلمى(صابر)
» انت آسف..بقلمى(صابر)
» لو كنت زيك..بقلمى(صابر)