قولوله يمشى..بقلمى(صابر)

موضوع: قولوله يمشى..بقلمى(صابر) 26/01/11, 10:30 am

قولوله يمشى من تحت بابى..
قولوله غابت..
قولوله تابت..
قولوله نامت..
قولوله عقلت وارتاح عذابى..
مش بالإلحاح.. تعبان يرتاح.. وبكتر كلامك حصفالك..
كان وهم وراح.. وملانى جراح.. وكأنى ماكنتش على بالك..
وخلاص انا مليت..
مانا ياما اترجيت..
حبيتك وياريت..
شفتك من احبابى..
قولوله يمشى من تحت بابى..
عايز يرجع يتسلابى..
قولوله يمشى..بقيت مانمشى..
وقلبى لسه معاه على بابى..

قولوله زدت عليها بأيه..
قلبك كان متكبر ليه..
يمكن مره قاللى بحبك وانا ضيعت العمر عليه..

قولوله كانت عاشقه هواك..
بالمُره قبل الحلوه معاك..
لا عمرها قالت لاءه ولا اشتكت بُعدك وآساك..

قولوله إمتى كدبت عليه..
إيه عنه كنت بخبيه..
وانا مااعرفش فى عمرك حاجه غير اللى انت تقوللى عليه..

قولوله يمشى من تحت بابى.. ثانية عذابه بتتعبنى..
مع انه هوه ياناس عذابى.. لكن آهاته تدوبنى..
انا مش زيه وقلبى ارق..
لما بحب بقول الحق..

قولوله يمشى من تحت بابى..مااستحملش القسوه عليه..
عايزاه يفضل وسط اصحابى مثلى الاعلى اللى احكى عليه..
قولوله يمشى.. بقيت مانمشى..
من خوفى ومن قلقى عليه

» قلب مين..بقلمى(صابر)
» ليه انا..بقلمى(صابر)
» من بره بس..بقلمى(صابر)
» انت آسف..بقلمى(صابر)
» لو كنت زيك..بقلمى(صابر)