دموع ابتسامتى..بقلمى(صابر)

موضوع: دموع ابتسامتى..بقلمى(صابر) 02/02/11, 10:00 pm

دموع ابتسامتى عشانك يابلدى بتضحك وتفرح وتبكى بمرار..
دموع لونها احمر مع الدم الاحمر بفخر وعزه وذل إنكسار..
وناس نايمه قامت..وناس تايهه فاقت..وناس تانيه زادت بحقد الشرار..
وراح كام شهيد..وناس من بعيد..تخطط وترسم تولع ف نار..
شباب ورد راح..دا غير اللى راح..وعتمه وسواده فى عز النهار..
فرحنا بولادك..عنادهم عنادك..وقولنا عتادك وزهو وفخار..
مع الابتسامه..جرى دمع ياما..ودم شبابنا فى كل جدار..
دموع ابتسامتى عشانك يابلدى..
يااجمل عروسه ياام الرجال..
وربى يصونك..محدش يخونك.
من اصغر مافينا لاكبر مافينا..الكل رجال

» انت ده..بقلمى(صابر)
» لو كنت زيك..بقلمى(صابر)
» ليا حق..بقلمى(صابر)
» كل يوم..بقلمى(صابر)
» كان من حقك..بقلمى(صابر)