آآه يابلدى..بقلمى (صابر)

موضوع: آآه يابلدى..بقلمى (صابر) 04/02/11, 09:26 pm

آآآه يابلدى.. ياواجعه قلبى من آلامك..
آه يابلدى..ياتاعبه حضنى من غرامك..
مابقتش عارف من حطامك..
فين نهارك.. من ظلامك ..
فين سكوتك.. فين كلامك..
فين حلالك.. من حرامك..
سيل دموعك.. غطى فرحك وابتسامك..
آه يابلدى..
يا نبض قلبى وحب عمرى و دم يجرى ف العروق..
آه يابلدى..نفسى م الاحزان افوق..
وانتظر تانى الشروق..
آه يابلدى.. كلى شوق..ارفعك لفوق لفوق..
واللى عدى مش فى عمرك..
واحنا لسه تحت امرك..
آه يابلدى..
كنا بنام تحرسينا..لمّا نتعب بتواسينا..
فى الليالى تونسينا.. جوه حضنك تحضنينا..
لما نغلط تلحقينا.. تلمحى الدمعه ف عنينا..
تكرمينا..وتجمعينا .. وبحنانك تغلبينا..
نفسى اشوفك واقفه جنبى زى عادتك..
مهما اسافرآجى تانى ارتاح فى حضنك..
مين ح يتحملنى غيرك..
مين ح يحضنى آما اجيلك..
فين صحابى ولاد شارعنا الطيبين..
لسه عندك ولا ايه.. مش موجودين..
آه يابلدى ..بعد حضنك..لينا مين

» من بره بس..بقلمى(صابر)
» انت آسف..بقلمى(صابر)
» لو كنت زيك..بقلمى(صابر)
» ليا حق..بقلمى(صابر)
» كل يوم..بقلمى(صابر)