حاجه تحسّر..بقلمى(صابر)

موضوع: حاجه تحسّر..بقلمى(صابر) 05/02/11, 05:31 pm

حاجه تحسّر..
بس انا كان نفسى افسّر..
مين اللى دمر..
مين اللى كسر..
والغريبه..
إن ناسها الطيبين مااتحركوش..
الغلابه المقهورين ماكانوش وحوش..
اللى كان لازم يثوروا مشتكوش..
اللى كان لازم يقولوا..قالوا حووش..
التعبانين المحتاجين مش غلطانين..
اثبتوا هما الوطنيين..
طلعوا اكبر مصريين..
بكوا بدموع على جرح بلدهم..
عرفوا ازاى يحضنوا فى ولادهم..
مااشتركوش..
ولابعتوش ..عيل ينهب ولاّ يكسر..
حاجه تحسّر..
لما تبص للى اتكسر..
حاجه تخلى الجسم يقشعّر..
ليه وازاى بنهد بلدنا..
فى ثوانى بنبيع امجادنا..
اوعوا تقولوا القادم مكسب..
الهمجيه لايمكن تكسب..
قربوا جدا يحتلونا..لو حنكمل كده ياكلونا..
ابقوا ساعتها تعالوا وروُنا..
ازاى بقا تعرفوا تحمونا..
لما اوباما ييجى يقسّم..
مين فيكم ح يقوم يتكلم..
حاجه تحسّر

» كل حاجه..بقلمى(صابر)
» لو كنت زيك..بقلمى(صابر)
» كل يوم..بقلمى(صابر)
» ليا حق..بقلمى(صابر)
» كان من حقك..بقلمى(صابر)