ايوه بموووت فى مصر..بقلمى(صابر)

ايوه بحب مصر..ايوه بمووت فى مصر..
افضالها كتيرعليا كتير مالهومش حصر..
من اول ماجيت.. للدنيا وحابيت..
شمس مصر شّدت.. جسمى عظام ولحم..
والنيل ده رعانى.. كبرنى وروانى..
مشانى وملالى.. كل عروقى دم..
واتعلمت فيها.. واتربيت عليها..
وكبرت فى ترابها..والخير اللى فيها..
وقابلت الصحاب..فى مراهقه وشباب..
علمتنى دينى..نورتلى عينى..
حق ودين عليا..تعوزنى تلاقينى..
ايوه بحب مصر..ايوه بمووت فى مصر..
فى سماها وسحابها..
فى رضاها وتعبها..
فى فرحها وعذابها..
ايوه بمووت فى مصر
انا مولود فى مصر..
لو تغضب احايل..وإن كان فرع مايل..
برضه سماح يابلدى..من ضمن الجمايل..
ايوه بحب مصر..ايوه بمووت فى مصر..
مهما شفت حُسن..واترميت فى حضن..
غير حضنك يابلدى مافيش فى الدنيا حضن..
ايوه بحب مصر..ايوه بمووت فى مصر..
يبقى قليل الاصل..
اللى يخرب فى مصر

» من بره بس..بقلمى(صابر)
» انت آسف..بقلمى(صابر)
» لو كنت زيك..بقلمى(صابر)
» ليا حق..بقلمى(صابر)
» كل يوم..بقلمى(صابر)