خلينى احترمك..بقلمى(صابر)

موضوع: خلينى احترمك..بقلمى(صابر) 10/02/11, 11:48 am

خلينى احترمك واصدق إنك مصرى..
والاقيك متحضر ومثقف والاقيك عصرى..
لمّا تسيبلى الحق بتاعى اختار قدرى..
لمّا الاقيك فاهم وتراعى ماتأذيش بصرى..
وتسيبلى مركبى وشراعى تسير وتعدى..
واشوف إنسان فاهم واعى لبلده وبلدى..
وتعبر عن اسباب آلمك..
وتخلى حدود فاصله لغضبك..
ح اعرف من كده إنك مصرى..
حيبان من ادبك..
خلينى احترمك..

لمّا تثور.. وتراعى اصول..
مين يجرى يقول إنك غلطان..
خلينى احترمك.. واسمعلك رأيك..
واتأكد إنك من دمى..
مش متأجر..ولا مستخسر..
افضل متهنى فى حضن امى..
خليك متحضر واتكلم من غير اوجاع..
كلنا امرنا بأيدين ربنا ومحدش جاع..
نحمد ربنا لسه بعقلنا ومحدش ضاع..
خلينى احترمك واتأكد إنك مصرى

» لو كنت زيك..بقلمى(صابر)
» ليا حق..بقلمى(صابر)
» كل يوم..بقلمى(صابر)
» كان من حقك..بقلمى(صابر)
» انت ده..بقلمى(صابر)