طالعين مظاهره..بقلمى (صابر)

موضوع: طالعين مظاهره..بقلمى (صابر) 10/02/11, 01:20 pm

بيقولوا بكره طالعين مظاهره.. يطالبوا فيها بمصر احلى..
اوعوا تاخدوا معاكوا جهله..يكسروا وفكرينها سهله..
اللى بيدمر بلاش.. مجرمين وبياخدوا كاش..
كنوز بلدنا تروح بلاش..الغضب..مايعميناش..

خلّوا المظاهره رحله سلام..تعبير حزين من غير كلام..
وحدتكوا تبقى التزام..من غير غضب من غير حطام..

العقل زينه للرجال..والامان مافيهوش فصال..
ياولاد بلدنا مافيش مجال..للخساير والدمار..
اوعى حد يقولك اضرب ..ناس كتير عايزاك تخرّب..
والشيطان عمال يقرّب.. واليهود والامريكان..
يجرى ايه لو كل فاهم..يدى فرصه للتفاهم..
مستحيل بين يوم وليله مصر تتغير معاهم..

» قلب مين..بقلمى(صابر)
» ليه انا..بقلمى(صابر)
» من بره بس..بقلمى(صابر)
» انت آسف..بقلمى(صابر)
» لو كنت زيك..بقلمى(صابر)