أول العاشقين..بقلمى(صابر)

موضوع: أول العاشقين..بقلمى(صابر) 12/02/11, 09:14 am

مابقاش يهم انا مين..فى زحمة الملايين..
الكل مصريين..يفدوكى ومحبين..
بس أنا ياأم ابويا..
أول العاشقين..

أنا اللى ببكى لما يتعّفر ترابك..
انا اللى بدعيلك فى فرحك او عذابك..
انا اللى بسهر أحمى بابك..
وانتفض لو هم صابك...
دا لأنى واحد من شبابك..
بس أنا ياأم ابويا..
أول العاشقين..

انا قولت أم الشعب أكبر م المحن..
ربك وهبنا ياشباب اعظم وطن..
شيلانا جوه عينيها شيل..
دالإنها القلب الكبير..
لمّا الزمان ساعات يميل..
متحمله ومعدن اصيل..

مااعرفش اخبى حزنى لو صابك آلم..
بحس إنى ف لحظه واحده بقيت عدم..
وعشان بحبك يابلدنا كتير اوى..
بحزن لجرحك برضه حزن كبير اوى..
مابشوفش حد ان كان ضعيف وّلا قوى..
يقدر يحبك زى حبى.. كتير اوى..

ياكل همى..ياابويا وامى..
ارجوكى ضمى..صونى وسّمى..
راعى ولّمى..وفداكى دمى..
وانا ياام الصابرين..
واحد م الملايين..
زى المصريين..
الكل محبين..
معرفش ح اسيب مين.. ولا ح اقول على مين..
كلنا مصريين..
بس انا ياأم ابويا..
أول العاشقين

» قلب مين..بقلمى(صابر)
» ليه انا..بقلمى(صابر)
» من بره بس..بقلمى(صابر)
» انت آسف..بقلمى(صابر)
» لو كنت زيك..بقلمى(صابر)