تفتكرى مين..بقلمى (صابر)

موضوع: تفتكرى مين..بقلمى (صابر) 21/02/11, 04:01 pm

تفتكرى مين
قلبى اللى وحدك عايشه فيه..
من يوم ماحبك مش لقيه..
جوايا وانتى بتحكميه..
قلبى.. وبقيتى تملكيه..

سلمتلك من غير حساب..
مليون سؤال..وانتى الجواب..
ضيّعتى ليه اجمل حنين..
وبتسألينى أبقى مين..
نسيتى ليه حب السنين..
دلوقتى مين..
انا حد م العاشقين..
تفتكرى مين.. ولاّ مين..

انا كنت جنبك لمّا قلبك قال ياحب..
أنا كنت اول حد يعرف ليكى قلب..
يوم ماخليت الكلام الحلو لينا لوحدنا..
كنا عايشين للغرام والحب كان من حقنا..
بعتينى ونسيتى العلام وكمان نسيتى حبنا..
وبتسألينى انا مين..
انا اللى حبك طول زمانك..
انا اللى باع عمروا عشانك..
نسيتى ليه حب السنين..
انا حد م العاشقين..
تفتكرى مين ..ولاّ مين..

اول مابصيتى بعيونك ع الغرام..
انا كنت اول حد يبدء بالكلام..
يوم ماابتديتى فى المحبه والعلام..
كان قلبى اول قلب ترمى عليه السلام..
وقولتى قلبى وقولتى عينى..
اختارتك انته طول سنينى..
كان حب ولاّ كنتى غاويه تعذبينى..
كان عشق ولاّ كنتى ناويه تجرحينى..
وتسيبينى..
ونسيتينى..
وتسألينى مين..
نسيتى ليه حب السنين..
انا حد م العاشقين..
تفتكرى مين.. ولاّ مين

» قلب مين..بقلمى(صابر)
» ليه انا..بقلمى(صابر)
» من بره بس..بقلمى(صابر)
» انت آسف..بقلمى(صابر)
» لو كنت زيك..بقلمى(صابر)