saber_200737 مدير المنتدى
المشاركات : 8501 العمر : 44 الدولة : مصر رقم العضوية : 15 التواجد بالمنتدى : الاوسمة : نقاط النشاط : 22024 تاريخ التسجيل : 13/07/2008
اضافات sms:
| موضوع: تفتكر من ايه..بقلمى(صابر) 27/02/11, 11:37 am | |
| جاى تسأل عن غيابى.. يعنى من حقك عتابى.. تفتكر من ايه.. مالى إيدك من جوابى.. ومش ح اخبى عليك عذابى.. تفتكر من ايه.. تفتكر من ايه غيابى.. وسر بعدى عن صحابى.. وقافله بابى.. تفتكر من ايه..
والدموع اللى ف عينيه.. ومسحة الحزن اللى فيا.. واللى بيا م الندم.. وصوت آهاتى والالم.. تفتكر من ايه..
القلب لما يكون مكسور.. مجروح ومش قادر يقول.. والذكرى بين احضانى نار.. والطعم ف لسانى مرار.. مابنمشى ليل ولا اقوم نهار.. جوايا قهره وإنكسار.. تفتكر من ايه..
وتقوللى ليه.. وتسأل كده ومستغرب فيا.. شوف وشى لما تقرب ليا .. وحياة غلاوتك.. اللى بيا..من قساوتك.. تفتكر من ايه..
تبقى ايه فايدة هواك.. لما اتعذب معاك.. ودوايا يكون لقاك .. وانت مش عارف وتسأل..
لما احبك.. وانت بالحرمان مالينى.. ومش لقينى وتبعد اكتر.. تفتكر من ايه..
اى حب دا اللى بينّا.. فين غرامنا ..فين سنينّا.. فين زمان ايام ماكنّا.. ولا لحظه نشوف عذاب..
من قساوتك..اللى جانى.. واللى فيا ..شكل تانى.. بس دا ماسموش عتاب.. تفتكر من ايه..
لو عايزنى ارجع ماترجع انت قبلى.. املا حضنى..واملا عمرى اللى انكتبلى.. سيب قساوتك.. فين حلاوتك.. اللى بتدوبنى فيها.. رجع الضحكه لشفايفى ..رجع الدمعه لعنيها.. يلا بينّا نبتديها.. بأبتسامتك.. نفسى فيها.. تفتكر من ايه.. ملكت قلبى بأيه | |
|