انت الخسران..بقلمى(صابر)

موضوع: انت الخسران..بقلمى(صابر) 22/04/11, 01:09 pm

انت الخسران خليك زعلان وخاصمنى وغيب..
كتر الحرمان بيجيب احزان وعلاج وطبيب..
ونضّيع ليه صفو الايام فى بكا ونحيب..
حد الايام دى يلاقى غرام ويلاقى حبيب..

انت الخسران لو كنت ظالمنى وهدعى عليك..
وهمنع قلبى وعقلى وكلى يفكر فيك..
وهخبى دموعى لمّا اشوف القاسيه عينيك..
ولا يمكن اسامحك وارجع تانى اكون حواليك..

انت الخسران لو بعت الجنه وخدت النار..
وانا حبى وقربى الجنه وبعدى هوه النار..
وانت اللى فى إيدك تتهنى تنقى وتختار..
ياخساره تكون لسه ماشفتش ولا خدت قرار..

انت الخسران ولا فيش غيرك يندم ويغيير..
هتعيش وحدانى وهتفكر فى غرامى كتير..
وساعات تتمنى إنى اسامحك وانا قلبى كبير..
وساعتها هقولك مش سهله وهحتاج تفكير..

انت الخسران..انت الغلطان..
خليك زعلان وخاصمنى كمان..
انت الخسران

» كل يوم..بقلمى(صابر)
» كان من حقك..بقلمى(صابر)
» انت ده..بقلمى(صابر)
» كله منك..بقلمى(صابر)
» قلب مين..بقلمى(صابر)