بتحب إيه..بقلمى(صابر)

موضوع: بتحب إيه..بقلمى(صابر) 23/04/11, 09:23 am

بتحب ايه قوللى اعمله..
قلبك لايمكن ازعله..
اؤمر وانا مش ح اسألك..
والصعب كله اتحمله..

عرفنى بس ماتتمناه..
وانا قلبى ح اعرف شغلى معاه..
واعلمه اللى انت تحبه..
واملاه بكل جميل تهواه..

اسيب عينيه بلون البحر..
ولا املا كل جفونى بكحل..
واسيب رموشى تنام تحلم..
ولا اسهر احكى معاك للفجر..

عاجبك اسيبه طويل شعرى..
ويبقى نازل على ظهرى..
ولا القصير يبقى جميل..
ويطير يهفهف لمّا اجرى..

وعايزنى انزل اقابلك فين..
شوف حته نفضل فيها اتنين..
علشان محدش يحسدنا..
لا نشوف عوازل ولا لايمين..

بتحب لمّا انده اسمك..
ولا اقولك ياحبيبى..
انا بنتفض لو اقول اسمك..
وبدوب بكلمة ياحبيبى..

بتحب ايه اكتر منى..
لو عندك اوعى تقول ح ازعل..
انا بس لمّا تكلمنى بحس إنى بقيت اجمل..
بتحب ايه غير حبى معاك..
خلينى احب اللى تحبه..
انا حياتى وعمرى فداك..
وانت اللى احب اعيش جنبه

» ليه انا..بقلمى(صابر)
» من بره بس..بقلمى(صابر)
» انت آسف..بقلمى(صابر)
» لو كنت زيك..بقلمى(صابر)
» ليا حق..بقلمى(صابر)