حبيبتى مين..بقلمى (صابر)

موضوع: حبيبتى مين..بقلمى (صابر) 28/04/11, 10:53 am

حبيبتى ..

بيسألونى..مين حبيبتك..
اوصف وقول..
عندك حبيبه..تستنى غيبتك..
ولا انت عاشق كل دول..

ليك ف الهوى ..نبع واصول..
ولا مش عايز تقول..
حبيت ولك ف الحب جذور..
ولا قلبك باب مقفول..
عندك حبيبه..
اوصف.. قول..

قلت الحنان.. وصفها..
عمرى وحياتى..اسمها..
نسمه رقيقه.. ف طبعها..
حسن القمر.. من حسنها..
كل البشر..بتحبها..
حتى الجمال ..غار منها..
ومش لإنى بحبها..
دى جميله خلقة ربها..

بتخاف عليا..ترمش عينيه.. وتتمنانى اكون مبسوط..
ماليه الدنيا بحالها عليه ..وبتخلص.. وبتعشق موت..
كل عتابها.. دموع وسكوت..
صمت وبس.. لالوم ..ولا صوت..
حتى آما ابعد.. بتخلينى اكون موجود..
وتحسسنى.. بقلب عايزنى..
وحب مافيش لجماله حدود..

حبيبتى مين..
هيه غير العاشقين ..
مش بشر..
حب و حنين..
هيه عمرى والسنين..

روح جميله تونسك..
إحساس يسّمى.. ودعوة امى..
إن الملايكه تحرسك..

حبيبتى عمرى اللى بحبه..
وحد مخلص من قلبه..
تتمنى لو تفضل جنبه..
يابخت كل اللى تحبه..
عندى حبيبه..
حنان وطيبه

» لو كنت زيك..بقلمى(صابر)
» ليا حق..بقلمى(صابر)
» كل يوم..بقلمى(صابر)
» كان من حقك..بقلمى(صابر)
» انت ده..بقلمى(صابر)