ياريتنى زيك..بقلمى(ًصابر)

موضوع: ياريتنى زيك..بقلمى(ًصابر) 29/04/11, 08:23 pm

ياريتنى زيك..
ياريت اكون زيك ف عقلك..
ياريتنى حبه منك ف تقلك..
ياريتنى حتى بقدر اعاتبك..
مش كل حبه بدوب ف حبك..

قلبك بيعرف يتحمل..
وإن كان مخاصم بيكمل..
مش زى قلبى اللى مسلم..
وف طول بعادك يتألم..

ياريتنى زيك بس ياريت..
او الاقى قد ماكنت اديت..
مش كل عمرى يكون ملكك ..
وانت يومين اكتر مااديت..

عامل لنفسك منى حجاب..
حتى اما تدى يكون بحساب..
وان حد زيى ف حبك داب..
مالهوش إلا فراق وعذاب..

يارتنى زيك باب مقفول..
يدى ويمنع بالمعقول..
مش كل شىء ف الكون انت..
وانت مخبى ومش بتقول..

قلبى الحنين بيحبك..
ماهوش حجر يشبه قلبك..
يعرف يسامح وبيعشق..
ذنبه الوحيد نفسه ف حبك..

ياريتنى زيك قادر اكون ..
مرتاح وساكت مهما يكون..
مابتهتمش إلا بنفسك..
حتى إن كنت وحيد ف الكون..

مافيش حنان بيأثر فيك..
راحتك تبان القسوه عليك..
خايف تحن وتبقى ضعيف..
وعشان كدا العند ماليك..

ياريتنى زيك كنت بقيت..
مايهمنيش ولا كنت بكيت..
اشبع غرام ولاكنت اديت.
ولاعمرى اعشق ولا حبيت