حبتنى ليه..بقلمى(صابر)

موضوع: حبتنى ليه..بقلمى(صابر) 30/04/11, 12:22 pm

حبتنى ليه..
لمّا انت عندك.. كله بحساب.. حبتنى ليه..
لمّا انت عِنْدَك..مر وعذاب.. ح استنى ايه..
ح استنى قسوه ..
مش كلمه حلوه..
ودموع وشكوى.. فايدتها ايه..
حبتنى ليه..
علشان تقول عندك ميعاد..
وتبقى عاشق وسط الولاد..
تفخر بنفسك..
وتلاقى اسمك..عند البنات..
انا ذنبى ايه..
تملا حياتى بالآهات..
وتسيل دموعى بالساعات..
تزرع ف قلبى حب مات..
حبتنى ليه..
ارجوك فارقنى م السكات..

كان حب ولا.. شوق لمعجب حب نفسه..
عايز يشوف نفسه.. ومتعاجب بنفسه..
مين ف المحبه والغرام يقدر ينافسه..
ضحك عليا بالكلام خلانى احسه..
ياريت ماصدقتوش قوام..
ياريتنى مااديتلوش امان..
ياريت ماكنت سمعت حسه..

حبتنى تتسلى بمشاعرى البريئه..
تلعب وتهدملى ف عواطفى الرقيقه..
عمرك ماحبيت ف الحقيقه..
بذمتك..كت كام دقيقه..
بعدها بقيت غريقه..
وانت ولعت الحريقه..

حبتنى ليه..
فين ضميرك.. اللى سابك تعزله..
تغدر بقلبى وتقتله..
حبتنى ليه..
حب كنت ارتحتله..
شوقه ياما اشتقتله..
جرحى لسه ف اوله..
قوللى جاى تانى ايه..
حبتنى ليه

» ليا حق..بقلمى(صابر)
» كل يوم..بقلمى(صابر)
» كان من حقك..بقلمى(صابر)
» انت ده..بقلمى(صابر)
» كله منك..بقلمى(صابر)