اتولدت مسافره..بقلمى(صابر)

موضوع: اتولدت مسافره..بقلمى(صابر) 06/05/11, 12:08 pm

اتولدت مسافره

اتولدت مسافره..
بين بعاد او فرقه..
للدموع والحرقه..
وانتهيت مش فارقه..
اتولدت مسافره..
ذنبى ايه مش عارفه..

دنيتى دايما غريبه..
بتفاجئنى حاجات عجيبه..
كل ايامى كئيبه..
مش بحس بأى طيبه..

زى ماتكون حالفه مافرح..
مش بلاقى فيها مطرح..
كل ثانيه بعيشها تجرح..
إمتى بس سنينى تفرح..

م الآسى طول عمرى خايفه..
م الدموع مابقتش شايفه..
غلطه منى يادنيا اسفه..
عشت فيكى بالمجازفه.
ايوه اسفه...لإنى عارفه..
مهما عشتك..
اتولدت مسافره..

عشت فيكى بالقلق..
مش سعيده وبسألك..
إمتى ييجى حظى بيكى..
ولاّ مهما عشت فيكى..
انتى ليكى.. ناس وناس.. عايشه تبكى وتتفلق..

حاسه عمرى ساعات وبس..
مهما طال ولا عمروا حس..
واللى عشته كان قدر..
ضاع بعمرى ف السفر..
بين موانى استنى وارحل..
واحلم إن الفرح يظهر..
والسنين بتعدى منى ..
والزمان اتخلى عنى..
ايوه خايفه..لإنى عارفه..
مهما عشتك ..اتولدت مسافره..

انا النصيب ضيّع نصيبى..
فرّق مابينى وبين حبيبى..
صعب ع الدنيا تراضينى..
او تسيب حد يراعينى..
عينى ع البخت وياعينى..
لإنى عارفه..
انتهيت مش فارقه..
اتولدت مسافره

» اتولدت جديد..بقلمى(صابر)
» قلب مين..بقلمى(صابر)
» ليه انا..بقلمى(صابر)
» من بره بس..بقلمى(صابر)
» انت آسف..بقلمى(صابر)