راجعه بيتى..بقلمى(صابر)

موضوع: راجعه بيتى..بقلمى(صابر) 07/05/11, 01:51 pm

قبل ماتقول إنتى جيتى..
وتعاتبنى.. ليه مشيتى..
ليه خاصمتى.. وابتديتى..
ليه ظلمتى ..ليه نسيتى..
وابقى انا الغلطانه وانت.. ملاك برىء..
وتحاسبنى ع الغياب ..بعتاب جرىء..
لاء بأيدى ..أرجع أنا ..واطفى الحريق..
ارجع لبيتى.. والحنان أقصر طريق..
بعد إذنك..
راجعه حضنك..

راجعه بيتى ..راجعه حضنك.. بعد إذنك..
كلمه منك ..توصل الود اللى ضايع..
غيبت عنك.. ليه اجيلك.. وانت بايع..
بس لازم اعترفلك..
انتظرت تقول وحشتك..
وانت قاسى مش بتعرف.. ترضى قلب حياته حبك..
كنت بتعذب عشانك..
نفسى اطير وآجى لمكانك..
وانت عارف..
لاء وشايف..
بس لو لان الحجر..يظهر حنانك..

راجعه بيتى.. اللى كنت مليته حب..
اللى حركته وملكته روح وقلب..
رغم إنك حد صعب..
إحنا ملناش إلا بعض..
قلب ماارتحش إلا فيه..
بعشقك..طب اعمل ايه..
حبك اتربيت عليه..
صدرك اتعلقت بيه..
حضنك اللى دوبت فيه..

راجعه بيتى..وحبتدى من تانى سكه وإيد فى إيد..
قلبى مابيعرفش لاء.. وكان وحيد..
كل ليله بحضُنك.. صوره ف خيالى..
كل ثانيه اتخيلك.. واقف قبالى..
يعنى مابتبعدش دايما.. طيف ف بالى..
يبقى ليه ابعد.. وتبعدنا الليالى..
وانت روحى وقلبى وانت كل غالى..
وانت روحك محتجالى..
وكل حته فيك ومنك مشتقالى..
بعد إذنك راجعه بيتى..
بعد إذنك..
راجعه حضنك

» قلب مين..بقلمى(صابر)
» ليه انا..بقلمى(صابر)
» من بره بس..بقلمى(صابر)
» انت آسف..بقلمى(صابر)
» لو كنت زيك..بقلمى(صابر)