saber_200737 مدير المنتدى
المشاركات : 8501 العمر : 44 الدولة : مصر رقم العضوية : 15 التواجد بالمنتدى : الاوسمة : نقاط النشاط : 22015 تاريخ التسجيل : 13/07/2008
اضافات sms:
| موضوع: ايه مااتغيرش..بقلمى(صابر) 10/05/11, 01:05 pm | |
| ايه اللى باقى حلو بينّا ماتكسرش.. ايه اللى فاضل م اللى بينّا..إيه مااتغيرش.. انا ولا انتى..زى ماكونتى..مافتكرش.. ولا دى بيوتنا.. ولا دى حياتنا .. ولا قصتنا.. ولا حكايتنا.. زى الحلم نقول ماحصلش..
حتى الملامح بان عليها أثار جراح.. وعيونّا دبلت من بكانا ع اللى راح.. كتر الآسيه.. ساب عليا ..عذاب ماراح.. قلبى المسامح.. تاب خلاص عن السماح.. وكل حاجه اعرفها عنى مش لقيها.. وكل حاجه اعرفك عنك خبتيها.. ذكريات انا عشت بيها.. قلبى كان عايش عليها.. فين بهجرك.. ودتيها..
ايه مااتغيرش فى حكايتنا ..إلا الإحساس اللى مالينى.. ايه باقى من نور شمعتنا.. إلا دموعها ودمعة عينى.. غيرتى ف نفسك.. وبقيتى انا ماعرفكيش.. غيرتى ف اسمك.. خليتى ياحبيبتى مافيش.. ايه مااتغيرش إلا دموعنا.. على ماضى جميل.. ولا اى حنين حيرجعنا ..بالعمر سنين..
ايه مااتغيرش.. إحساسك.. إخلاصك .. ايه مااتغيرش.. لهجة كلامك..طول خصامك.. ايه مااتغيرش.. نبرة تحدى مصاحبه صوتك.. بقيت لوحدى بطول سكوتك.. ايه مااتغيرش.. انك بقيتى تفكرى.. وخلاص نسيتى وتقدرى.. مش دا الغرام اللى ف ضميرك كان عشانى.. انا كنت عاشق حد غيرك حد تانى | |
|