مش ح تفهم..بقلمى(صابر)

موضوع: مش ح تفهم..بقلمى(صابر) 11/05/11, 02:23 pm

مش ح تفهم..
ليه بحبك.. ليه بسامحك..
ليه بكابر وانسى جرحك..
مش ح تفهم..
كل مااحلف دى الاخيره..
برجع ابكى كل ليله..
وابقى عايزه افوق وانسى..
تبقى فكره مستحيله..

بشيل حاجاتك من قصادى..
وذكرياتك من حاجاتى..
وامحى اسمك من حياتى..
بس اول صوت لحسك..
حد بس ينادى اسمك..
او ييجى طيفك..
اجرى اشوفك..
كل حته تقول بحبك..

دى انا ..هوه دا حبى الكبير..
بدعى واحمد ربنا إنك بخير..
ليه بحبك.. ليه بسامحك ..الله اعلم ..
مهما اقولك.. مش ح تفهم..

دى انا.. اللى تغضب.. بس مابتعرفش تكره..
اللى تزعل.. بس مابتقدرش تجرح..
بأى كدبه تقولها تفرح..
دى انا اللى فاكره..
ياللى ماعندكش فكره..
واللى بينّا مش ف بالك بعد ماخليتوا ذكرى..

رغم نسيانك ونارك..
رغم حرمانى ومرارك..
مهما تعمل ليه بحبك..
جوه قلبى ليه بتفضل..
الله اعلم..
مهما اقولك..مش ح تفهم..

اللى بيوهب لما بيدى مابيفكرش..
مين يستاهل او مين ناسى مابيقّدرش..
عيش بحنانى ولو تنسانى مش حنساك..
واعشق تانى وجرب تانى اسير لهواك..
مش حتلاقى شوقنا لبعض..
فرق مابين السما والارض..
مهما ح تسأل ..الله اعلم..
ليه بحبك..ليه بسامحك..
مش ح تفهم