صدقتى نفسك..بقلمى (صابر)

موضوع: صدقتى نفسك..بقلمى (صابر) 12/05/11, 09:21 am

صدقتى نفسك.. إنى من غيرك اموت..
وإنك حياتى واغلى حاجه ف الوجود..
مغروره.. ولأبعد حدود..
انا جى اقولها بأعلى صوت..
خلينى اقولهالك ف وشك ..
انتهيتى ..مش ح اغشك..
مش باقيلك عندى غير كلمة عتاب..
مهما قلتى.. الفراق هوه الجواب ..
صدقتى نفسك.. بالغرور اللى ماليكى..
فوقى لنفسك ..بطلى الكدب اللى فيكى..
قلبى الحنين تاب ومش بيصدقك..
ولا عمروا تانى ف يوم ح يرجع يعشقك..
ويموت بأيدى الحب مش بأيدين خيانتك..
اقتل بأيدى القلب لو ح يجيب ف سيرتك..
إنتى انتهيتى خلاص ومش ممكن اغشك..
عندى الشجاعه إنى اقولك لاء ف وشك..
وبأعلى صوت..
إنسى الوعود..
صدقتى نفسك.. إنى من غيرك اموت..
لساكى فاكره الوقت وقتك..
والزمان دا كمان بتاعك..
فوقى من الوهم اللى قاتلك..
هيه دى اسباب ضياعك..
مش بالجمال الحب يسكن ف القلوب..
فى كمان حاجات تخلى كل الناس تدوب..
و نفس صافيه وهمسه دافيه وروح جميله..
احلى من سحر ودلال وقلوب عليله..
حب مخلص مش بيحتاج تاج اميره..
المشاعر اغلى حاجه لروح اصيله..
مصير جمالك راح يزول..
يفيد بأيه يومها الغرور

» لو كنت زيك..بقلمى(صابر)
» ليا حق..بقلمى(صابر)
» كل يوم..بقلمى(صابر)
» كان من حقك..بقلمى(صابر)
» انت ده..بقلمى(صابر)