لمّا بتبعد..
بحلف إنى خلاص ح انساك..
وبقول يبعد..
انا من نفسى مش عايزاك..
إيه يغصبنى..
اصبّر قلبى ويستناك..
دايماً فاكره..
واحلم ليل ونهار بلقاك..
وافضل عاشقه..
وانت نسيت حبك وهواك..
تسأل شفقه..
أهو تطمن وانت هناك..
قلب يحبك..
وتحس إنك كنت ملاك..
طمن نفسك..
انا عن نفسى مش عايزاك..
انا ملّيت استنى.. وتعبت النسيان..
كنت زمان اتمنى ..وانت هجرت زمان..
واللى مالينى امل وحنين..
انت نسيته وعدى سنين..
كل ماصبّر قلبى ببكره..
ألاقيك فاكر ناس تانيين..
أنا مش ذنبى إن انت هوائى..
كنت اتمنى أحسك باقى..
وإن كان بينّا نار أو جنه..
انا من حقى ميعاد وتلاقى..
عشان بالحب يعيش الحب..
مين بيعيش على قسوة قلب..
كل ماتبعد بيكون صعب..
كل دقيقة ف هجرك ذنب..
بيكون نفسى اتوه ف ملامحك..
واغسل وشى بدمعى واصالحك..
والقى ف نفسى شجاعه واقولك..
مهما ح تبعد..انا بغفرلك
موضوع: لمّا بتبعد..بقلمى(صابر) 
14/05/11, 12:02 pm