اتغيرت..بقلمى(صابر)

موضوع: اتغيرت..بقلمى(صابر) 15/05/11, 02:03 pm

اتغيرت
من افعالك ..وبأهمالك.. لمّا قدرت..
تبعد عنى.. وتحيرنى.. واستهترت..
من نسيانك.. وبأحوالك.. لمّا غدرت..
لمّا رمتنى.. ورحت نسيتنى.. واتأخرت..
لمّا جرحتنى.. ولا فكرت..
يوم تداوينى ..واستكترت..
تمسح عينى.. واستكبرت..
كنت ظالمنى.. ومفهمنى..
جالك ظرف ضرورى سافرت..
ومغمينى.. لإنى بحبك..
بصت عينى.. وظهر كدبك..
شيبتنى.. م الهم كبرت..
واللى عشقته معاك واختارته..
لمّا نسيت.. خلتنى خسرته..
واعمل زيك.. لمّا عملت..
لمّا لقيتك.. انت اخترت..
غصب عنى.. انا اتغيرت..

انت البادى.. بجرح فؤادى.. وهجرك ليا..
وبقيت ماضى.. ياحب حياتى..يااغلى آسيه ..
اتعلمت اتغيّر منك..
م اللى سمعته واتقال عنك..
وبقيت ماشى ف وسط الناس..
لا فى مشاعر ولا إحساس..
غدرك كان لعلامى اساس..
لمّا اخلصلك وانت تبيع..
مش بيهمك مين بيضيع..
كنت بصونك.. عمرى مااخونك..
كنت بحبك وانت تبيع..
م اللى قاسيته معاك حرمت..
لااعشق تانى ولافكرت..
لمّا لقيتك انت اخترت..
غصب عنى.. انا اتغيرت..