بشوفك من بعيد..بقلمى(صابر)

موضوع: بشوفك من بعيد..بقلمى(صابر) 19/05/11, 03:40 pm

بشوفك من بعيد..
وآجى اطّمن عليك..
عايشها إزاى لوحدك..
وجالك مين شريك..

انت ماهونتش عليا..
وغرامك لسه فيا..
بكسّر ف الحواجز..
وآجى اطمن عينيه..

قلبى الملهوف ينادى..
وبتتمناك حياتى..
رغم البعاد مابينّا..
حبك على طول قصادى..

الذكريات بتفضل ..
فاكره اللى فات وتكبر..
اداريها برضه تطلع..
زى الاول واكتر..

كنت مأثر ف عمرى..
وبتتحكم ف امرى..
لسه لدلوقتى حبك..
كان اجمل شىء ف عمرى..

انا كنت زمان حبيبك..
وقبلت اروح و اسيبك..
واديك الفرصه تفرح..
تختار..وانت ونصيبك..

بآجى اطمن وبمشى..
وطول الليل مانمشى..
وافضل للفجر صاحى..
عشان حبك ماهنشى..

بشوفك من بعيد..
واتمنى تكون سعيد..
وادعيلك بالامانى..
رغم إنى بقيت وحيد..
بشوفك من بعيد