اتولدت جديد..بقلمى(صابر)

موضوع: اتولدت جديد..بقلمى(صابر) 26/05/11, 03:41 pm

اتولدت جديد معاك.. وابتديت حبك يادوب..
اتخلق عمرى بهواك.. واشتهيت اعشق وادوب..
وبقيت بشعر بيك وبحس..
عايشه عشانك انت وبس..
بشتاقلك وادوب..
ولا بقدرش اتوب..
وعرف قلبى يدق ويعشق ..زى القلوب..
وان كان غرامى لقلبك وزر..
جمال هواك.. ادانى عذر..
مااقدرش اتوب..
ح اعيش احبك بالذنوب..

اتولدت جديد وعمرى ..بين إيديك إملاه وقول..
اتولدت معاك وقلبى.. صفحه بيضا بدون سطور..

انت اول حد ليا..
انت اول حب فيا..
انت كل الدنيا ديه..
م السما اجمل هديه..

قلبى فتّح بين ايديك..
لما دق وحس بيك..

وابتديت اول حروف الحب منك..
اول كلامى ف الغرام ياحبيبى عنك..

اتولدت بعمر يبدء من هواك..
ابتديته معاك امل محتاج رضاك ..
كل ثانيه تبقى غاليه..كل ليله دنيا تانيه..
اتولدت جديد فى حضنك.. حاسه نفسى واحده تانيه..
كل حاجه بعيشها جنبك..شكل تانى عشان بحبك..
بيك بقى للدنيا لون.. حلو بتحبه العيون..
والحياه طول ماانت فيها..كل شىء متعب يهون..
ياللى حبك كان بدايه..للابد.. حبك يكون

موضوع: رد: اتولدت جديد..بقلمى(صابر) 26/05/11, 11:35 pm

قلبى فتّح بين ايديك..
لما دق وحس بيك..

وابتديت اول حروف الحب منك..
اول كلامى ف الغرام ياحبيبى عنك..

الله عليك ياستاذ بجد جامده جدا
تسلم الايادى اللى كتبت وابدعت
000 تقبل مرورى المتواضع

» اتولدت مسافره..بقلمى(صابر)
» من بره بس..بقلمى(صابر)
» لو كنت زيك..بقلمى(صابر)
» ليه انا..بقلمى(صابر)
» ليا حق..بقلمى(صابر)