نهارك سعيد..بقلمى(صابر)

موضوع: نهارك سعيد..بقلمى(صابر) 27/05/11, 07:19 am

فكرك مش بيجرح..
أو ح تقوله ح افرح..
واقول مش واجعنى..

وآما اسمع حكايتك..
بتوصف خيانتك..
حاقولك ايه يعنى..

بتتباهى توصف..
وتشرح وتحلف..
كلامك وجعنى..

ليه تألم وتوجع..
وتخلينى اسمع..
ع القلب اللى باعنى..

عاجبك انتصارك على كل البنات..
كام واحده بنارك سهرت بالساعات..
ودا غير الآهات..
تحكيلى حكايات..
وانا للصبح ابات..
اندب حظ قلبى..أنا حبيت جماد..

تبقى سعيد ورايق..بعذاب الخلايق..
ودموع العباد..
فكرك ح تراضينى..واحلويت ف عينى..
للاسف دى صورتك.. اتهزت ف عينى..

كلامك بيوجع..وانا مش عايزه اسمع..
اعرف ليه وادمع..
واسمعلك حكايتك.. بتوصف خيانتك..

كلامك بيجرح..ووصفك بيدبح..
ويألم ويوجع..
تخلص وترجع.. تقول من جديد..

كأنك شارينى..وقلت اسمعينى..
عشان تعرفينى..
كأنى حجر.. وقلبى حديد..
وح اسمع خيانتك..وح افضل احبك..
او افضل معاك..
كأنك ملاك..والقلب الوحيد..
كلامك وجعنى..
وساهل تبيعنى..
واسهل تسيبنى..وتبعد بعيد..
بناقص حبيبه..
نهارك سعيد