انت غلطه..بقلمى(صابر)

انت غلطه

اللى يحب مصر يزرع فيها ورده

غلطه انى بديت معاك.. ذنبى اتمنيت هواك..
اعمل ايه وانا يوم ماشفتك..قلبى حس انك ملاك..
عارفه انك وهم قلبى اللى اتخطف..
عارفه حبى ليك مالوش ابدا هدف..
راضيه انى اعيش حياه.. جنب منك بالصدف..
واللى كنت زمان عارفاه ..عن حياتى اهو اختلف..
شفت عمرى احلى زهره .. بس وياك اتقطف..
خايفه ابكى لانى عارفه.. من دموعى ح يتعرف..
ان حبك هوه حزنى ..كل حزنى مع الاسف..
اللى خلا قلبى جنه.. بس ف النار اتحدف..
انت كدبه..
انت غلطه..
كنت قبلك احلى ورده..
عايزه اقولك نفسى اهدا..
نفسى ارتاح م الهوان ده..
حاسه انى م النهارده..
باقى عمرى نار ووحده..

عارفه انك وهم قلبى وطيف سراب
وان حبك خطوه اولى للعذاب..
عارفه ان الحب دا عندك تراب..
وان مايهمكش كمل ولا ساب..
ف الهوى قلبك ف غدروا مالوش حساب..
يعنى لايحاسب ولا عندوش صحاب..
قلب زى الصخر مابيفتحش باب..
واللى جواه مش غرام.. مليان ضباب..
قصه بقراها ف خيالى زى ماتكون من كتاب..
ليه انا اللى عشقت وحدى..
ليه انا اللى قلبى داب..
انت غلطه
وانا ورده
مهما تعمل كنت ح ارضى
حاسه انى م النهارده..
باقى عمرى نار ووحده..