إنسى..بقلمى(صابر)

--------------------------------------------------------------------------------



إنسى



اللى يحب مصر يزرع فيها ورده

قد ايه اخلصت لك وبنيت معاك..
قد ايه قدمت لك عمر ف هواك..
قد ايه ضحيت ف حبك..
وافتكرت انك ملاك..

بعت كل الناس عشانك ..
عشت عمرى من غرامك..
واللى جانى من هوايا..
اشرب المر وآساك..

خدتك انت من زمانى..
بعت بيك فرحى وآمانى..
واتظلمت كتير معاك..
انت تقسى..
وانا انسى..
كنت عاشقه ودايبه لسه..
قبل مايدوق قلبى غدرك..
من قساوتك ينسى شكلك..
انت فاكر لسه فاكرك..
إنسى

إنسى انى اكون بديله..
واستراحة يوم وليله..
إنسى اشفيلك جروحك..
من حبايبك الكتيره..

وإنسى ان قلبى طيب..
اللى شافه كان يشيب..
عاشقه مانفعتش معاك..
دوق بقى حرمانى طيب..

وإنسى اسمحلك بصمتى..
تانى تجرحنى ف كرامتى..
كل جرح ح اردهولك..
من بعيد او من قريب..

إنسى اسمعلك تقول..
حب وتهز الشعور..
دا السلاح اللى قتلنى..
واللى بيزيدك غرور..

بس انا خلاص نسيت..
يوم ماعندك اتنسيت..
واللى فاضل فيا ذكرى..
نفسى انساها وياريت..

إنسى تقدر تانى تحكم..
ولا تتحكم وتظلم..
اللى غرك فيا قلبى..
وقلبى بيقولك نسيت..
إنسى