لما اشتاقلك..بقلمى(صابر)

لما اشتاقلك

لما اشتاقلك اوى واتمنى احسك جنبى..
ارفع ايدى بأيدى واخدها تحضن قلبى..
لما بحس بايدى عليه..
بتأكد بوجودك فيه..
واسمع دقة قلبى تقوللى.. انك جوه بتدفيه..
علشان عمروا ماينبض ابدا..
إلا ان كنت انت بتحييه..
انا بطمن لما الاقيه..
شايلك جوه وعايش فيه..
لما اشتاق له بسأل قلبى..
قلبى اللى مطمنى عليه..

لما اشتاقلك اغمض عينى..
تظهر صورتك جوه جفونى..
واسمع شوق حضنك ينادينى..
كل العالم مايقضينى..
واسرح فى الايام وياك..
كل دقيقه قضيتها معاك..
وتكون ليا معايا لوحدى..
وكأن عيونى شيفاك..

لما اشتقالك بمسك ايدى..
واطمن على نبض وريدى..
لما بيجرى الدم بحسك..
تبقى قصادى وبسمع حسك..
وكأنك بين ايدى ومسك..
بتكلمنى وبتقول اسمى..
حبك هوه الدم فى جسمى..

بشتاقلك اوى..بشتاقلك كتير..
وبحبك اوى..الحب الكبير..
واتحير واغيير..واتعذب كتير..
وآما اشتاقلك بسأل قلبى..
القاك فيه اسير..
انا بطمن لما الاقيه..
شايلك جوه وعايش فيه..
علشان عمروا ماينبض ابدا ..
إلا ان كنت انت بتحييه