موضوع: ملوخيه مع البط المحمر والرقاق فى أول ايام رمضان 31/08/08, 09:54 pm
كل عام وانتم بخير رمضان كريم واهلا بيكم فى مطبخ احلام بنوته اللى بيقدم اليوم اولى حلقاته من وجبات افطار اول ايام الصيام يارب تعجبكم على عاده الاسر المصريه بيكون اول يوم دايما محتاج اهتمام زايد من ست البيت لانها غالبا بتدعوا ضيوف على الفطار خاصه اول يوم واليوم ده فى مصر موسم بيسموه يوم الرفرافه اليوم بنقدم بط محمر
ملوخيه خضراء + ارز ابيض + صينيه الرقاق باللحم المفروم + شوربه لسان العصفور + الحلو اللى ح يكون عباره عن ام على وح نراعى فى التقديم استخدام الخامات الموجوده تحت ايدينا استخدام امثل بمعنى طالما عندنا بط وسلقناه ناخد شوربه لعمل الملوخيه الخضراء كمان ناخد شوربه لغمس ورقات الرقاق كمان ناخد شوربه لعمل لسان العصفور وايضا من بواقى ورقات الرقاق واللى غالبا بيكون فيها ورقات كتير مكسوره نعمل ام على طبق الحلو بحيث اننا مانفقدش اى شى من ادوات مطبخنا بدون استفاده صح ياللا بقى ندخل المطبخ ونبداء الشغل ياحلوين اللى بتعرف اهلا بيها واللى مش بتحب المطبخ سهل جدا تطلع مننا باى معلومه خاصه وان كلهات حاجات سهله بدون تعقيد اوك بسم الله نبدأ البط المحمر
المقادير بطة متوسطة الحجم ورق اللورى الحبهان المستكه بصله صغيره وفلفل اسود ملح حسب الرغبة(يوضع قبل تمام النضج) الطريقة: تسلق البطه ويراعى وضع ماء السلق للغليان مع اضافه البهارات وتجنبى اضافه الملح الا بعد تمام النضج لان وجود الملح فى الماء يطول فتره نضج الطيور واذا حبيتى ان يعلم البيت كلو انك فى المطبخ وان اليوم عالى النكهه طيب الرائحه يبقى فى البدايه لابد من ذوبان المستكه مع ملعقه سمن على النار داخل الاناء وقبل اضافه الماء وما تسالنيس عن الرائحه يامعلم المهم بعد تمام نضج البطه وبعد اضافه الملح اللى اوعى تنسيه اتصبح عندنا بطه جاهزه على التحمير ضعى البطه فى قالب وادهنى جسمها سمن او صفار بيضه او حتى زيت ذرة وضعيها فى الفرن للتحمير الخفيف وليس التسويه لانها مسلوقه اصلا
وتصبح جاهزة للتقديم
الملوخية:
المقادير كيلو ملوخية خضراء شوربة(مرق البط اللى سلقناه سابقا) ملعقة ثوم مهروس كسبرة جافة مطحونة الطريقة: تقطف الملوخيه وتاْخذ الاوراق للغسل جيدا مع اضافه قطرات من الخل لمياه الغسيل وتترك حتى تجف وتصفى منها المياه غالبا ست البيت المصريه ماتتركها اطول وقت ممكن تنشف لو الوقت غلبك تقدرى تنشفيها بطريقه مستعجله مثلا بفوطه او تيار هوائى وتخرط على عاده الاسر المصريه او تفرم كما هو متبع فى منزلكم ولا مانع ابدا ان تكون مجمده وترتاحى لكن اكيد لن تكون بنكهه ولون الطازه يوضه مقدار من الشوربه فى اناء التسويه وخلى بالك لو الشوربه اقل يكون افضل لانه يمكن معاجه الموقف لو تقيله لكن لو زادت منك الشوربه عن الحد واصبحت الملوخيه خفيفه لايمكن معالجة الوضه لذلك احرصى على ان يكون مقدار الملوخيه المفرومه لكل كبشه متوسطه كبشتان من مرق البطه والمجففه او المجمده من الفريزر لكل كيس 400 جرام اربع كبشات متوسطه من الشوربه وهذا اخر المسموح به اى زياده غير مستحبه على الاطلاق _ تتركى الشوربه تغلى ويمكن ان تضيفى اليها حبايه طماطم صغيره متقطعه وممكن ان تكون هذه الحبايه متسبكه على النار وممكن تستغنى عن الطماطم نهائى ضيفى الملوخيه الى الشوربه ولا تنسى ان تشهقى واللى ماتعرفش يعنى ايه تشهق وقعتها سوده واللى تعرف مافيش مشكله وتقولى ياحلوه عند الشهق يجعل حلاوه الحب فيكى واللى يدوقك مايسليكى ههههههههه بعد اول غلوه اى عند اول فوران تكون الملوخيه جاهزه لاستقبال الطشه او التقليه او البهارات حسب فهمكم اللى غالبا هيه عباره عن ملعقه سمن تقدح ويقلب فيها ملعقه ثوم مهروس مع ملعقه كزبره ناشفه ناعمه وتقلب على النار حتى وصول لون الثوم اللى اللون فوق الذهبى وليس البنى الغامق وتوضع على الملوخيه استعدادا للتقديم ملحوظه يمكن اضافه نصف ملعقه صغيره من السكر الى شوربه الملوخيه ولا مانع من الاستغناء لسان العصفور
المقصود شىء دافى يهياْ الامعاء لاستقبال الطعام والتمدد بعد فتره صيام طويله وليس اكل لسان العصفور المقادير ربع كوب لسان العصفور 2كوب شوربة (مرق من البط المسلوق سابقا) الطريقة: _لعمل لسان العصفور تقدح السمن على النار ويضاف اليها المكرونه وتقلب جيدا حتى تصل الى درجه بدايه الاحمراريضاف اليها الشوربه والملح والبهارات وتغطى جيدا على نار هاديه جدا حتى تمام النضج يضاف اليها عصير الليمون وتقدم ساخنه وغالبا دى بدايه الفطور لان الامعاء تحتاج لشىء دافى يساعد على تمددها بعد ساعات الصيام وتستعد لاستقبال الطعام
الرقاق
المقادير: نصف كيلو رقاق نصف كيلو لحم مفروم معصج شوربة(مرق) سمن أو زيت ذرة ويمكن الاستغناء الطريقة: :تعصج اللحم المفروم بفرم بصله كبيره وتسويتها على النار الى درجه الاصفرار ويضاف اللحم مع ملح وفلفل اسود وبهارات ويقلب حتى تمام النضج بعد ذلك يدهن القالب المخصص لتسويه الرقاق سواء سمن او زيت ويفضل التقليل من السمن بقدر الامكان لسلامه الصحه تغمس ورقات الرقاق فى الشوربه الساخنه وترص فى الصينيه مع وضه طبقات سمن او زين اقل القليل وتقدرى تستغنى عن اضافه السمن او الزيت وتكتفى بشوربه البطه لانها غالبا ماتكون دسمه المهم بعد اضافه نصف الورقات تقريبا او الثلث افرشى اللحم المفروم ثم كملى اضافه الورقات بعد غمس كل ورقه داخل الشوربه حتى تنتهى منهم تماما مع اضافه قليل من الشوربه على وجه الصينيه وقليل من السمن ايضا لو تحبى الدسم ثم توضع داخل الفرن
الأرز المصرى ارز حسب عدد افراد الاسره بواقع كوب لكل شخصين ماء للتسوية ملح حسب الرغبة الطريقة: _يبقى عمل الارز الابيض ومع اختلاف الانواع والاصناف الموجوده فى السوق اختارى مايناسبك وكذلك الكميه اللى تكفى افراد الاسره وطريقه الطهو اسهل مايمكن فبعد غسل الارز ونقعه فى قليل من الماء يذاب السمن فى اناء التسويه ويضاف مقدار الماء كوب وربع ماء لكل كوب ارز ممكن يزيد قليلا حسب نوع الارز ثم الملح وبعد الوصول لدرجه الغليان تهدى النار شويه شويه حتى تصير شمعه او اقل للتشريب بعدها يصل الى تمام النضج
ام على
المقادير حوالى 3 ورقات رقاق (يمنكن استخام الرقاق المتكسر المتبقى لديك من عمل صينية الرقاق) لبن سمن مكسرات حسب الرغبة والموجود لديكى فانيليا سكر للتحليه قشطة او كريمة الطريقة يحمر الكسر او السليم من الرقاق بعد تكسيره فى قليل من السمن او الزيت الى درجه الاصفرار ويخرج من النار ليوضع فى اناء التسويه ويوضع المكسرات والسكر والفانيليا ويصب عليها اللبن المحلى والفانيليا تترك20 دقيقة فى فرن متوسط الحراره تسحب وتقطع وتقدم مع اضافه الكريمه او بدون ولكى الحريه فى طريقه التقديم
وأخيرا : بقى ان نقول احرصى على عدم وضع الماء فى متناول الايدى على السفره وخاصه لو ماء بارد احرصى على الشوربه كبدايه يستحسن بعد الشوربه ان تقومى الى صلاه المغرب فانك ستعودى اكثر شهيه للطعام ممكن الافطار على تلات حبات تمر سنه عن رسول الله صلى الله عليه وسلم وهناك من يهوى التمر المغموس فى الحليب واياك اخى الصائم ان كنت مدخنا ان تهتم بالتدخين على حساب صحتك واخيرا لاتنسوا دعاء الافطار اللهم لك صمت وعلى رزقك افطرت لا اله الاانت ذهب الظماْ وابتلت العروق وثبت الاجر ان شاء الله
سنوءة المغرب عضو متألق
المشاركات : 1185العمر : 42رقم العضوية : 43 التواجد بالمنتدى : نقاط النشاط : 5904تاريخ التسجيل : 03/08/2008
موضوع: رد: ملوخيه مع البط المحمر والرقاق فى أول ايام رمضان 31/08/08, 11:48 pm
تسلم ايديك ياصابر ابقى اعزمنا على اول فطار مصري عاوزين نذوق طبيخك الرمضاني الرائع
موضوع: رد: ملوخيه مع البط المحمر والرقاق فى أول ايام رمضان 01/09/08, 08:10 pm
شكرا يامروى انتى معزومه كل يوم
زائر زائر
موضوع: رد: ملوخيه مع البط المحمر والرقاق فى أول ايام رمضان 02/09/08, 12:37 am
ألاقى ســـــندوتش جبنة هنا.... الله يظهر أنها عزومة...وعزومة تقيلة قوى هم... يا مم هنســـميها عزومة هم ..يامم أوك يا صابر طلعت طباخ على تقيل قوى هههههههههه
موضوع: ملوخيه مع البط المحمر والرقاق فى أول ايام رمضان 
31/08/08, 09:54 pm
