سماح ونكمل حكايتنا

هتكمل ولا خلاص مليت..
انا جيتلك وحدى لحد البيت..
اسال على حبى اللى رميته..


والقلب اللى عشقته وحبيت






واشوف لك حل ويرضينا..
ونكمل سوا مع بعضينا..
قلت اما تشوفنى ح تتشوق..

وتحن وترجع لماضينا..




يمكن تصفالى اما اجيلك..
تمسحلى دموعى بمنديلك..
قلبك من تانى يدق قوام..
وترد عليا اما اناديلك..






يصعب على قلبك ليه منى..
وازاى مابهونش تطمنى..
تغضب وتفارق كده وحدك..

مع انك عينى والننى..





هتكمل قول يلا نكمل..
انا بعدك عمرى ماهتحمل..
وماليش احباب ابدا غيرك..
انت الاخير وانت الاول


وسماح ياحبيى اللى عملته..
وسماح على هجر وطولته..

على كل كلامى اللى انا قلته..
من قلب بعندك زعلته..





وسماح ونكمل حكايتنا..
ويعود الود لقصتنا..
انا جيتلك وحدى لحد البيت..
هنكمل ولا تموتنا