حتى وانت بعيد..بقلمى(صابر)

--------------------------------------------------------------------------------

حتى وانت بعيد

شوف قد ايه بتفوت عليا عيون جميله..
كل البشر قدام عينيه غموض وحيره..
وانت بس..
اللى بيك القلب حس..
شوف قد ايه بستنى ترجع كل ليله..
اتمنى اعيش قصة هوانا المستحيله..
نار ف غيبتك..
ماليه جسمى..
ولسه بكتب جنب اسمى..
إنى حبيبتك..
عايشه بستنى الامل لسنين طويله..
كل دا وانت بعيد..
وانت حبيب قلبى الوحيد..
بستنى حضنك كل ليله..
طفله وبتستنى عيد..

حبك ف قلبى مالوش مثيل..
قد الحياه واكبر كتير..
بيحلى عمرى وشيلهولك..
بحرعشق كبير كبير..
كل البشر فى عيونى غيرك..
والقلب والاحساس اسيرك..
حياتى مهما مر فيها..
مابشوفش ناس فى الدنيا غيرك..

انت المشاعر والوجود..
وانت اللى فات وانت الخلود..
ودنيتى انت اللى فيها..
وذكرياتى لما اموت..

انا شفت ناس غيرك كتير..
كانوا سراب عابر سبيل..
بتبقى مش موجود وقلبى..
بيحس بيك واشتاق واغيير..
ويحن لك ع البعد حتى..
مهما كنت ف اى حته..
لو تكون مرتاح..
بيك هم أوافراح..
يدق قلبى لما تفرح..
وينقبض وانت ف جراح..

كل دا وانت بعيد..
ياغرام قلبى الوحيد..
ولو بأيدى احب تانى..
احبك انت..من جديد..
حتى وانت بعيد