بيقولولى..بقلمى(صابر)

موضوع: بيقولولى..بقلمى(صابر) 25/01/12, 12:48 pm

بيقولولى

بيقولولى حب غيرك.. قلت انا جايز ويمكن..
راح وتاه مع حد غيرك..قلت لو عايز دا ممكن..
باع وسابك..ياعذابك..
قلت لاء شارى ولايمكن..
مهما راح.. له سماح..
انما بيرجع عشانى..
هيه غلطه وجى تانى..
مابيقدرش ف يوم ينسانى..

بيقولولى اتغيرى..وعذبيه..
انتى ممكن تقدرى.. وتتعبيه..
راح وساب قلبك..سيبيه..
ليه تدوقى المر ليه..
قلت انا.. حضنى اللى راحته..
مش انا.. لو يوم جرحته..
اللى بتطيّب جروحه..
اللى عشقاه زى روحه..
والليالى..فين يروحوا..
لو قاسيت زيه ودبحته..

مهما يبعد عنى راجع..
حضنى راحته م المواجع..
مش يومين ح اغدر وابيع..
واكسره زى الجميع..
اللى بينا مش قليل..
مش رخيص علشان يضيع..
يقسى يمكن..
هجر ممكن..
بس ينسانى لايمكن

» ليا حق..بقلمى(صابر)
» كل يوم..بقلمى(صابر)
» كان من حقك..بقلمى(صابر)
» انت ده..بقلمى(صابر)
» كله منك..بقلمى(صابر)