تعبت من حبك..بقلمى(صابر)

موضوع: تعبت من حبك..بقلمى(صابر) 27/01/12, 03:14 pm

تعبت من حبك

تعبت من حبك..بقلمى(صابر) Ros084

تعبت من حبك..تاعبنى..
والخوف عليك تبعد..راعبنى..
والفكر دايما مش سايبنى..
انك ناسينى.. او حاببنى..
وكل ليله دموع كتيره فى كل مطرح..
لا ليل بنام..ولا غرام.. خلانى افرح..

بخاف على الحب وعليا ..واخاف عليك..
بخاف لاتنسى الحب فيا.. واشتاق اليك..
بقيت حياتى..مش قادره من غيرك اكون..
مش قادره اخليك ليا وحدى..
وادارى بيك عن العيون..
حبك واخدنى للجنون..
ارجوك خاصمنى..حبك قاسمنى..
مش عارفه اعيش..
هواك راعبنى..بخاف تسيبنى..
ماتحبنيش..
وحياة غرام قلبك..
تعبت من حبك..

عملت ايه.. غير حياتى..وخلا اسمك م الدنيا حبى..
كان يوم هواك.. تاريخ ميلادى.. لما رميت سهمك ف قلبى..
سلمتلك بالحب امرى..
شارياك بروحى وكل عمرى ..
وقبلت اعيش ضل حياتك..
وارضى بثوانى ف اوقاتك..

تعبتنى مش قادره خلاص..
تعبت م الحب باخلاص..
ولعت قلبى من الاحساس..
ولسه عندك زى الناس..
وحياة غرام قلبك..
تعبت من حبك..

ارجوك خاصمنى..مادام ظالمنى..
اتعب من الاحزان بعدك..
ارحم من القسوه ف بُعدك..
وابقى حبيبه ومحرومه..
اهون مااكون بيك مظلومه..
تعبت من قربك..
تعبت من قلبك..
تعبت من حبك

» كله منك..بقلمى(صابر)
» ليه انا..بقلمى(صابر)
» قلب مين..بقلمى(صابر)
» من بره بس..بقلمى(صابر)
» انت آسف..بقلمى(صابر)