متفرقين..بقلمى(صابر)

موضوع: متفرقين..بقلمى(صابر) 29/01/12, 08:56 pm

متفرقين

مين قال بحبك.. مين..
مين قال ف قلبى اليك حنين..
ودعت حبك.. من سنين..
ولا قلت بعدك.. احب مين..
احنا حبايب..متفرقين..

حاجه واحده..بس فضلالك ف قلبى..
حاجه اكبر..من عذابى وانت جنبى..
حب عمرى..دا اللى فاضل فيك ياقلبى..
لو نسيته..مش ح ييجى يوم واخبى..
لسه عايش.. هوه دا بس اللى ذنبى..
بس انا مااقدرش انكر انك انت..عمر حبى..

مين اللى قالك..انى حنيت شوق اليك..
لما افتكرلك.. كل ثانيه وثقت فيك..
مش بسامحك..ع اللى ضيعته بايديك..
واللى بعته..من يوميها بكيت عليك..

انت خدت حقوق كتيره مش بتاعتك..
انت بعت سنين طويله بعد بُعدك..
انت فرطت ف جميله ليك لوحدك..
ظلمت قلبى كل ليله استنى وعدك..

ازاى تستنى يعود الود..
وتلاقى الجنه وريحة الورد..
لو انت لوحدك فوق الارض..
انا اخنق قلبى ولا اعشق حد..
درسك علمنى مرار البعد..
هجرك نسانى ان احنا لبعض..
مين قال بحبك..مين..
ماخلاص بقينا اتنين..
ودعت حبك من سنين..
واتفرقوا العاشقين..
متفرقين

» ليا حق..بقلمى(صابر)
» كل يوم..بقلمى(صابر)
» كان من حقك..بقلمى(صابر)
» انت ده..بقلمى(صابر)
» كله منك..بقلمى(صابر)