وصمه فى جبينك يابورسعيد..بقلمى(صابر)

وصمه فى جبينك يابورسعيد

على مين وليه..عاملين اسود..
خليتوا ايه..بقى لليهود..
الرب واحد..والشعب واحد..
و النخوه راحت..ازاى تعود..
انهار وساحت..من دم واحد..
وولادنا راحت..بالغدر موت..
وهان عليك ازاى اخوك..
واللى معاك ازاى سابوك..
تمد ايد تقطف حياه..
لاخ ياما شقيت معاه..
وميه واحده بتروى فيكم..
ورب شاهد من علاه..
كام بيت فى مصر بيبكوا دم..
فجعت اب.. كسرت ام..
وبعت نفسك ليه ياعم..
هيه البلد كت ناقصه هم..
يوم الرياضه تمللى عيد..
فرح القريب والبعيد..
كان شعبنا بينام سعيد..
قلوب آسيه من حديد..
خلت الاحزان تزيد..
راح من ولادنا كام شهيد..
وصمه ف جبينك يابورسعيد

» ليا حق..بقلمى(صابر)
» كل يوم..بقلمى(صابر)
» كان من حقك..بقلمى(صابر)
» انت ده..بقلمى(صابر)
» كله منك..بقلمى(صابر)