موضوع: على فين يامصر..بقلمى(صابر) 04/02/12, 01:39 pm
على فين يامصر
على فين يامصر رايحه بينا.. وفى اى عصر ياناس بقينا.. حرب وسلاح..والامن راح.. انتى المحيط.. ولا السفينه.. كنا ف آمان من عهد مينا.. وزاد كمان.. بدين نبينا.. ليه الخراب..ورا كل باب.. ليه بكره غاب.. وضاع ماضينا.. بقينا ليه متفرقين.. اللى احنا فيه دا يرضى مين.. كتر الدمار.. وكأنه ثار.. ماجاش ف شرع ولا اى دين.. نفضل سنه متقسمين.. لاحلول شمال ولا نور يمين.. ولا فيه عقول..لدول ودول.. غير دوامات وبحور آنين.. بسجد لرب العالمين.. واقول يارب المسلمين.. ارحم صغار..وضعاف كبار.. دى مصر ارض الطيبين.. واحفظ بلادنا..يا آمين..
فين الضمير يوقف جراحنا.. ضرورى حل يداوى روحنا.. لا ايد بطوبه..ولا غاز مسيل.. كفايه قهره.. ودم سيل.. احنا غلبنا المستحيل.. ونحكم العقل بضمير.. ونبتدى..ونتمنى خير.. كفايه كل الحلو راح.. عايزين نلم ف الجراح.. ونبتدى بقلوب سماح.. والنيه حى على الفلاح..
موضوع: على فين يامصر..بقلمى(صابر) 
04/02/12, 01:39 pm
