الفرق اللى بينا..بقلمى(صابر)

الفرق اللى بينا

الفرق مابينا زاد ع الحد..
والنار والجنه انا وانت فى بعض..
واحد من شوك.. والتانى الورد..
واحد يبعد.. والتانى يود..
فرق السما فى بعدها ع الارض..

الفرق مابينا انت بتقدر..
وترد عليا آما تفكر..
وتسيبنى ادوب وانا بستنظر..
وكلامك حرفين مش اكتر..
بين لاءه وآه..
وتسيب قلبى يهرب منى وانا مش لقياه..
واستنى اسمع صوتك تسكت..
ويضيع اللحن اللى انا عاشقاه..
انت بتعرف تمشى وتبعد..
وانا لو ابعد تبعدى ياحياه..

انا طول الليل افضل احلم ..وانا مش شيفاك..
وانت ناسينى والله اعلم .. مين غيرى معاك..
نفسى اطولك ..مش بغرورك..
وارتاح واحس حنان قلبك..
بشتاق لعنيك.. ولكل مافيك..
وانت حارمنى ليه من قربك..

الفرق مابينا بحبك موت..
حبك ابدى ومالوهش حدود..
وانت حاببنى بس بعقلك..
بتحبنى لما تكون موجود..

الفرق اللى مابينى وبينك..
روحى وقلبى وانا عايزينك..
وانت حياتى..
لكن انت فى حبك كده عادى..
وانا حبى جنون..اجمل مايكون..
وبتنسانى وانت قصادى..

الفرق مابينا انك روحى..
وانت دوايا وكل جروحى..
ماقدرش انام قبل مابدعى..
اتهنى واكمل بيك عمرى..

الفرق مابينا انك قدرى..والقلب اهو داب..
وعرفت مصيرى معاك بدرى..ودا احلى عذاب..
لكن انت سراب..وآمان كداب..انت وقلبك..
والفرق مابينا انى بحبك

» اللى يحب مصر..بقلمى(صابر)
» انت اللى ابتديت..بقلمى(صابر)
» قلبى اللى حبك..بقلمى(صابر)
» انتى اللى ابتديتى..بقلمى(صابر)
» ودعتك الليله اللى فاتت..بقلمى(صابر)