بستغرب نفسى ازاى بتحمل جرحك عادى.. وازاى تبقى انت لوحدك عمرى وكل حياتى.. انا ايه خلانى اسلم روحى للدرجادى.. واضحى بكل الغالى للحظه تبقى قصادى..
ازاى اسمحلك تبقى لوحدك ف الدنيادى.. انت اللى ف ايدك لحن وشكل وطعم حياتى.. بستغرب نفسى هان على نفسى اطاوع حد.. انا عمرى ماكنت بسلم ابدا نفسى لحد.. ولا اسمح ابدا لو احساسى يزيد ع الحد.. معرفش ازاى انت اتسللت لروحى بجد.. وكأنك وحدك بس بشر على وش الارض..
بستغرب وانا بسكتلك.. واشتاق ملهوفه ح اموتلك.. تغضب..تغلط.. افوتلك.. ولا اى طلب برفضلك.. بستغرب ايه خلانى كده برتاحلك ورومانسيه.. واغفر واسامح واتصالح مهما انت بتعمل فيا.. وتكون حرمان واسيه.. وانا اكون رضا وحنيه.. بستغرب نفسى ازاى حكمتك انت عليا..
حقك تتغر محدش يقدر يملا عينيك.. البنت الهاديه بقت بتحبك وتموت فيك.. ولا حد يلومك لو ده غرور وبسببى ماليك.. وتقول ولا قبلك عاشق ابدا ولابعديك.. انت اللى قدرت تفوز بالقلب ويخلص ليك.. وتكون ف عينيه جمال الدنيا و اكون ف ايديك..
بستغرب ليه الحب بيخلق ضعف وخوف.. ويخلى القلب الجامد اوى رقه وملهوف.. يختار لطريقه حبيب واحد من وسط الوف.. ويقوله بحبك اوى اوى موت ووداع يا كسوف.. بستغرب