سلم وروح ..بقلمى(صابر)

موضوع: سلم وروح ..بقلمى(صابر) 27/02/12, 12:31 pm

سلم وروح

سلم وروح وابعد قوى واتحدى واهرب..
انا قلبى بيحبك اوى وبكره تتعب..
بتسيب جروح عاشقاك اوى ع القلب تصعب..
وحبيب بيتعذب اوى مستنى ترجع..

قلبك بيقدر ع البعاد..
وانا قلبى اضعف العباد..
ازاى بتستحمل فراقنا..
وبدوب ف بعدك لو ساعات..

وتشوف دموعى ولا تهمك..
ولا تفتكر حضن يضمك..
لاعيون حبيب بتعز عليك..
ولا قلب عايش من دمك..
سلم وروح..

انا مش بقولك هنينى..
لكن تشوف دمعة عينى..
وازاى انا بعدك ولهان..
ترجع وتستنى شويه..
ونيتك زى ماهيه..
ساعه وترجع للنسيان..
كان حب دا ولا تسالى..
مش عهد مع انسان غالى..
عاشقك بقلبه بقاله زمان..
وحياة الحب اللى جمعنا..
من غيرك عمرى مالوش معنى..
ولا يرجع تانى زى ماكان..
سلم وروح..

سلم وروح زى عوايدك..
وانسانى تانى سنين وايام..
تهجر وتبعد مش شايفك..
لايوم سؤال ولاحتى سلام..
جامد وقلبك ملك ايديك..
وانا ح اموت واطل عليك..
حظك فى عاشق بيدوب فيك..
وحظى طول العمر اشكيك..
وجه نصيبك فى حنين..
ونصيبى قاسى ولا مبين..
سلم وروح..
مطرح ماتروح..
معاك الروح

» لو كنت زيك..بقلمى(صابر)
» ليا حق..بقلمى(صابر)
» كل يوم..بقلمى(صابر)
» كان من حقك..بقلمى(صابر)
» انت ده..بقلمى(صابر)