لحظه وجودك..حلوه.. وساعات غيابك..قسوه.. حبك آهات..نجوى.. وفيه حاجات..حلوه.. رغم ان فيه شكوى.. كل لحظه من عذابك برضه حلوه.. حتى الليالى اللى بغيابك فيها قسوه.. بس منك..تبقى حلوه.. هيه دى اسباب عذابى..
اتولدت عشان احبك..انت وحدك.. واملا قلبى حنان بقربك..تبعد احلم.. حتى لما بيقسى قلبك..ولا تظلم.. بلقى كل عذابى جنبك..يبقى اجمل..
انا بشتاقلك تسند ظهرى.. تلمس شعرى.. تبقى ف حضنى.. اقصد يعنى.. ارتاح م الشوق اللى واجعنى.. واتمناك جنبى بتسمعنى..
ياما فكرت ابيع وانساك واتمنى اتوب.. فيه ناس عايشه من غير قسوه وهجر قلوب.. واغصب قلبى يبطل شكوى..و ساعه يا يدوب.. يرجع حبك احلى واقوى عشان مكتوب.. ويفكرنى بحاجات حلوه اتهنى وادوب..
آه من حبك..بيعذبنى.. وعذابك فى الحب عاجبنى.. آه بيتعبنى.. بس راضينى ان انت حاببنى.. ازاى انسى..وبقيت انثى..لما هويت وعرفت غرامك.. ولا قادره انسى..مهما بتقسى..عمرى بعيشه من ايامك.. واشعر بهواك وانا بتعذب.. وافرح وانت حتى بتكدب.. واقول نصيبى..تكون حبيبى.. والحب له دايما تمن.. انى ابقى اكبر م المحن.. واقع واقوم ويا الزمن.. رغم ان فيه شكوى.. حبك حاجات حلوه.. حبك عذابى