تعالى نتصالح ..بقلمى (صابر)

موضوع: تعالى نتصالح ..بقلمى (صابر) 12/03/12, 04:30 pm

تعالى نتصالح

تعالى نتصالح ..بقلمى (صابر) Ros084

تعالى نتصالح بجد..
من غير مايشمت فينا حد..
نسيب زعلنا وترضى نتصارح بود..
افتحلى قلبك..
قول بحبك..
سيبنا تانى ندوب ف بعض..
ومش ح اعاتبك..
مش ح احاسبك..
ع اللى فات ف خصام وبُعد..
لينا قصه..
بينا لسه..
اجمل من بستان الورد..
مهما بيحصل..
برضه بنسأل..
احنا اتنين ملناش غير بعض..
دايما فكرك..
حتى ف هجرك..
لما تروح لو اخر ارض..
مين ف الدنيا مش مجروح..
ولا عندوش ف حياته جروح..
انا ح افتحلك قلبى واقولك..
وانت تعالى اشكيلى وبوح..
احنا كبرنا..
خلى عقولنا..
تتفاهم ف حوار مفتوح..
تعالى نتصالح بشوق..
حبنا فى دم العروق..
مهما قلنا محتاجين لحظة هدوء..
تعالى نتكلم بود..
تعالى نتصالح بجد

» قلب مين..بقلمى(صابر)
» انت آسف..بقلمى(صابر)
» من بره بس..بقلمى(صابر)
» لو كنت زيك..بقلمى(صابر)
» كل يوم..بقلمى(صابر)