كان نفسى اكون الاولى..بقلمى(صابر)

كان نفسى اكون الاولى

كان نفسى اكون الاولى..بقلمى(صابر) Ros084

كان نفسى اكون الاولى..
اول حبيبه تحس بيها..
اول جميله تبوس ايديها..
اول هديه.. تشتريها..
تجيبها ليا.. وتداريها..
اغمض عينيه..
تفاجئنى بيها..

كان نفسى اكون الاولى..
اول ماقلبك حس.. واتمنى غرام..
وانت بتشتاق بس..مش لاقى الكلام..
اول جواب وايديك وهيه بترتجف..
اقراه وافكر فيك وقلبى يتخطف..

كان نفسى اكون الاولى..
وابدء معاك حياتك..
واكون عليك مشغوله..
ومعاك جميع اوقاتك..
وتبقى ليا..
وتحب فيا..
واكون حبيبتك..
اسهر ف غيبتك..
اسمع كلامك تحكى..
اضمك لما تشكى..

كان نفسى اكون الاولى..
قبل كل دولا..
واكون مرايتك..
عمرك..
هوايتك..
واكون كتابك..
واكون قرايتك..
عن كل شىء مسئوله..

وتكون ليا لوحدك كلك..
وقت مااحب الحب اقولك..
واشفى جروحك ..
واسعد روحك..
تبقى معايا بكل وضوح..
واقراك زى كتاب مفتوح..
ولا استنى.. سنين اتمنى..
واصبر لما العمر يروح..

كنت اتمنى.. حياتك تبدء..
اول مانا قربت افتح..
ويكون بينا غرام غير دولا..
ياما كان نفسى اكون الاولى

» عملت نفسى نسيت..بقلمى(صابر)
» صعب عليه اكون مش نفسى
» من بره بس..بقلمى(صابر)
» كل يوم..بقلمى(صابر)
» لو كنت زيك..بقلمى(صابر)