مين علمك..بقلمى(صابر)

موضوع: مين علمك..بقلمى(صابر) 19/03/12, 07:45 pm

مين علمك

قول يااغلى الناس عليا..
جايب منين القسوه ديه..
خلتنى مابشوفش بعينيه..
بكتنى ع الجرح اللى فيا..
كل مااروح مطرح..
بفضل حزين واسرح..
علمت فيك تفرح..
مين علمك تجرح..

الحب بيعلم محبه مش آسيه..
يبقى السماح طبع الاحبه بحسن نيه..
مش كل يوم تغضب عليا..
وترضى بالدمع ف عينيه..
مين علمك تستقوى على احساسى مين..
بتجيب بدال الحب قسوه ونار منين..
انا لما حبيتك لقيتك قلب طيب..
دلوقتى ليه كل اللى بينا حاجات تشيب..
علمت فيك تفرح..
مين علمك تجرح..

بطلت ليه تفهم علامى..
مش راضى ليه تسمع كلامى..
مين علمك تكبر عليا..
وتزود الهم اللى بيا..
تكونش مليت من غرامى..
وبيوحشك بعدى وخصامى..
مين علمك تقدرتسيب..
مين علمك تعرف تغيب..
مين علمك هجر الحبيب..
علمت فيك تفرح..
مين علمك تجرح

» ليا حق..بقلمى(صابر)
» كل يوم..بقلمى(صابر)
» كان من حقك..بقلمى(صابر)
» انت ده..بقلمى(صابر)
» كله منك..بقلمى(صابر)