مش حاببنى..بقلمى(صابر)

موضوع: مش حاببنى..بقلمى(صابر) 26/03/12, 08:40 am

مش حاببنى

مش قلتلى مش راح تسيبنى..
صدقت انك مش حاببنى..
لو كنت صادق ليه سايبنى..

اخترت اجمل وقت كنت بعشقك..
وخلفت عهد ووعد قلب صدقك..
لو كنت غلطانه حاسبنى..
ليه قلتلى مش راح تسيبنى..
صدقت انك مش حاببنى..

توعدنى ليه بالحب وانت متعرفوش..
وتقيد فى قلبى غرام وانت معشتهوش..
وتخلى قلبى يصدقك..
تكدب و روحى تعشقك..
لما انت ناوى ف يوم تسيبنى..
ليه قولتلى انك حاببنى..

هيه المشاعر البريئه رخيصه ليه..
تزرعها جوه قلب مش بتحبه ليه..
احساس صغير كل يوم بتكبروا..
وتزيده وهم ونار وشوق يسهروا..
وتخلى قلب يدوق هواك ويرق له..
وانت وقلبك ف السما ولا تسألوا..
لما انت ناوى ف يوم تسيبنى..
ليه قولتلى انك حاببنى..

عجباك فى ايه آهات عذابى..
خلتنى ليه قفلت بابى..
بقيت غريبه بين صحابى..
وبيسالونى عن غيابى..
وانت السبب بحاجات جميله وهبتها..
عشمتنى وف يوم وليله اخدتها..
مالحقتش اشبع منها..
لما انت ناوى ف يوم تسيبنى..
ليه قولتلى انك حاببنى

» لو كنت زيك..بقلمى(صابر)
» ليا حق..بقلمى(صابر)
» كل يوم..بقلمى(صابر)
» كان من حقك..بقلمى(صابر)
» انت ده..بقلمى(صابر)