بدعيلك وانا مسمحاك..بقلمى(صابر)

بدعيلك وانا مسمحاك

بدعيلك وانا مسمحاك..بقلمى(صابر) Ros084

ماليش حيله.. وبفتكرك..
وغصب عنى بحتاجلك..
وانا مش عارفه اخرى معاك..

ياريت تجاوبنى بشكيلك..
معذبنى.. وبدعيلك..
ومن قلبى انا مسمحاك..

واقولك ايه على حالى..
وحبك احلى ماجرالى..
تعبت اشكى وروحى هواك..

انا عايشه بحنينى اليك..
انا عاشقه لكل مافيك..
وبتنفس واعيش برضاك..

وغير حبك ف عمرى ماليش..
على حبك بموت وبعيش..
يروح عمرى ولا انساك..

ماليش حيله ..وبفتكرك..
وغصب عنى بحتاجلك..
هواك عمرى..وروحى هواك..

ملامح وشى من شكلك..
بقوم من نومى اندهلك..
وبنسى حياتى وافتكرك..
وانادى عليك ومش سمعاك..
وبدعيلك وانا مسمحاك..

عملت كتير يزعلنى..
جفا وخصام بيقهرنى..
وبعدك عنى يقتلنى..
وصدك ليا حيرنى..
وبسأل ليه بتهملنى..
وايه عنك مصبرنى..

ولك فيا.. حاجات حلوه مكفيه..
على القسوه مغطيه..
تفوق الحزن بزياده..
وتوهب راحه وسعاده..
تخلى القلب يتراضى..

وجرحك ده ح ادارى عليه..
وح افضل ابكى وح اخبيه..
وانا معرفشى اخرى معاك..
وبدعيلك وانا مسمحاك..

وبس سؤال بيتعبنى..ونفسى تقول..
بترتاح لما بتسيبنى وليلى يطول..
ياريت تقدر تفهمنى..
بحبك ليه.. وتظلمنى..
وليه قلبك بينسى اوام..
ح يخسر يعنى لو كمل سنين قدام..

انا عن نفسى ممكن اموت على حبك..
بتقدر ليه على بعدى وانا جنبك..
ياريت تجاوبنى بشكيلك..
وبدعيلك وانا مسمحاك

» قلب مين..بقلمى(صابر)
» ليه انا..بقلمى(صابر)
» من بره بس..بقلمى(صابر)
» انت آسف..بقلمى(صابر)
» لو كنت زيك..بقلمى(صابر)