قصه اسيره للظروف..بقلمى(صابر)

قصه اسيره للظروف

ياحب غالى وكلو خوف..
قصه اسيره للظروف..
يتخاف عليك..
يتخاف منك..
هواك ياغالى شوق وخوف..

رغم الحنان.. اللى ماليك..
والحب اللى بشوفه فيك..
بخاف عليا واخاف عليك..
لو يوم بقيت مش بين ايديك..

ورغم طيبتك..وانا حبيبتك..
بخاف كتير من قسوتك..
واخاف فى غيبتك..
اكون تعبتك..
وتسيبنى وحدى اشتاق اليك..

رغم ان اى جليد يدوب.. من رقتك..
واى قلب مناه يدوق.. حنيتك..
وان كان حجر.. يلين اوام من نظرتك..
كل الخطر.. بيكون امان مع بسمتك..
بخاف ف صمتك..لاكون ظلمتك..
بخاف اوى من قسوتك..

واخاف تسيبنى ..
رغم ان كل مافيك حاببنى ..
بخاف لاتقدر.. يوم وتغدر..
وتفاجئنى.. قبل مااقدر..
اداوى قلبى ..
من جرح حبى..

واخاف كتير وقت الغضب..
اخسر هواك من غير سبب..
انت حبك كله خوف..
رغم انى خدتك من الوف..

يتخاف عليك..
يتخاف منك..
ولا عمرى يوم اطمنلك..
وف عز فرحة قلبى معاك..
بخاف يضيع من عمرى هواك..
ياحب غالى وكلو خوف..
قصه اسيره للظروف

» ليا حق..بقلمى(صابر)
» كل يوم..بقلمى(صابر)
» كان من حقك..بقلمى(صابر)
» انت ده..بقلمى(صابر)
» كله منك..بقلمى(صابر)