سيبنا بعض..بقلمى(صابر)

موضوع: سيبنا بعض..بقلمى(صابر) 07/04/12, 07:43 pm

سيبنا بعض

كل ماانسى تصحى فيا .. ذكرى وعد..
لو عينيا تشوف هديه.. ولا صدفه شفت ورد..
كل شىء كان حلو بينا.. لسه فيا زى عهد..
لسه حبك نار وجنه ..عايشه بيهم جنب بعض..
فاكره اول مااتقابلنا.. فاكره كل خصام وبُعد..
والفراق اللى كسرنا.. اللى ضيع كل ود..
عمرى جنبك كان دقيقه..
بعدك الدنيا بطيئه..
روحى حبك..
دى الحقيقه..
حتى لما سيبنا بعض..

حتى لما اثور واكسرذكرياتك..
تنسى عينى النوم وبسهر بحكاياتك..
افضل ابكى الليل وانا بحضن حاجاتك..
نفسى ارجع اعيش حياتك..
واللى فاتنى واللى فاتك..
غير هواك ماعرفش حد..
بس كل سكه سد..
يعنى وحدى بقيت غريقه..
دى الحقيقه..
تعبت لما سيبنا بعض..

بكرهه نفسى عشان حبيتك..بكرهه ضعفى..
لاكرهتك ولاحتى نسيتك..وبلوم نفسى..
ليه مش قد الحب واجازف..
واعشق قلب ظالمنى وعارف..
واما اسال عن حقى ف حبه..يحرمنى من جنة قربه..
تبقى كرامته فوق احساسى..ينسانى ويبيع اخلاصى..
يتحدانى ويشبع صد..
مهما شكيت لاجواب ولارد..
مش لقيه للشكوى نتيجه..
دى الحقيقه..
انتهينا وسيبنا بعض

» من بره بس..بقلمى(صابر)
» انت آسف..بقلمى(صابر)
» لو كنت زيك..بقلمى(صابر)
» ليا حق..بقلمى(صابر)
» كل يوم..بقلمى(صابر)