لسه مصمم توجعنى..بقلمى(صابر)

[center]لسه مصمم توجعنى

لسه بتوجعنى بأهمالك..وبأفعالك..

لسه مصمم توجعنى..

ملحقتش افوق من احوالك..وبقولهالك..

إهمال قلبك ضيعنى..


ح تحب عليا جديد..

ولا ح تبعدنى بعيد..

تجرح قبل ماترجعلى..

تحرمنى كتير وتبيعنى..

اكمنى بحبك يعنى..

تغدر بيا وبصفالك..

تحكم قبل ماتسمعنى.. تتجنى بكل غرور..

سيبت قساوتك توجعنى.. وتكمل مهما بقول..

إهمال قلبك ضيعنى..

لسه مصمم توجعنى..


كله بأذنك..

هجرك.. حضنك..

ودك.. صدك..

كله بأذنك..

فرح بأمرك..

جرح بأمرك..

حتى اجمل حب صادف عمرك..

مش بيهنى غير بأوامرك..


وياويله القلب اللى يحاسبك..

لو يتجرأ مره يعاتبك..

ويقول مليت..

ولا استكفيت..

مايشوفش الراحه ف يوم عمروا..

وح يدعى ياريت..

لاصادفتك يوم..

ولا يوم حبيت..


ياما قلت لقلبك يسمعنى..

بيجينى يومين.. ويودعنى..

لسه مصمم يوجعنى..

توجع قلبى اللى ف ايدك..

وبينبض من تنهيدك..

متقولش الظلم حرام..

الرقه مش استسلام..

اديتك اغلى مافيا..

بس انت بتقسى عليا..

لما بواجهك تلاوعنى..

لسه مصمم توجعنى